腦爸打: 網頁設計, 網站製作, 手機應用程式開發 iphone Android mobile apps, SEO Google Yahoo 搜尋排名提升
青年創業故事、創業例子: 淺談Speed Dating文化 - HKRD Speed Dating@青年創業軍

淺談Speed Dating文化

刊登日: 2020-06-18 • 作者: HKRD Speed Dating • 公司/機構:HKRD Speed Dating
唔知道大家有冇睇過Netflix嘅 “Dating Around”?節目製作人首先揀出幾位參加者,再根據佢哋嘅描述安排幾個約會對象進行blind date,睇吓佢哋最終會選擇同邊位繼續了解。有趣之處,除咗俊男美女,節目亦分別安排咗一班退休人士及同性戀者約會,背景非常多元化。約會過程中,有參加者即時互相來電熱吻,相反亦有意見不合者不歡而散。

據報道指,即使節目中好多參加者都有選擇同某一位繼續約會,但冇乜邊對最終真係變成情侶,而呢樣正係我想帶出嘅主題 — speed dating文化。

不得不承認,香港喺亞洲嚟講算係相對現代同西化,但大家感情價值觀卻出奇地甚至比二線城市落後,欠缺speed dating習慣同文化。意思係,雖然大家都有約會,但大家都將呢樣嘢睇得太認真,目標為本,會覺得最後不成功便成仁。

以我認知同經驗,大多數外國人好多時都抱有Have Fun嘅心態約會,途中佢哋講嘅內容可能非常無聊,只係追求大笑同一齊享受美食嘅過程,冇諗過 dating 要有咩「結果」。呢點我認為香港人可參考一下,因為抱有呢個心態約會,你就唔會再覺得同時date幾位對象好似不道德,亦唔會喺拍拖前已寄托哂希望喺某個對象上,只要對方唔搵你幾日已神不守舍。 

過程中,單身男女只需當對方係你平時玩開嘅朋友,咁樣就可以好casual咁傾偈,唔使一下子了解哂對方底世。因為氣氛愉快,好多時你唔take it serious,最終反而吸引到更多對象。

曾經聽過一句說話,我覺得好有意思,內容大概係「世界上冇浪費時間呢回事,只要你做某樣事情感到愉快,呢段時間就已經好有價值」。大家不妨多享受約會,唔使未約會已經諗定呢個人會唔會變成你終身伴侶,即管認識多啲唔同背景人士,享受聽下每個唔同人嘅故仔。舉例說,就係因為透過約會,我先知道機師原來唯一工作係令自己唔瞓覺(說笑)。

作者 Kahlen Li    (HKRD Matching Consultant)
 
HK Romance Dating (HKRD),由兩位前新聞主播創立,運用專業的司儀技巧提升speed dating活動的氣氛,並擔任單對單約會配對 matching顧問,助你透過single party、Table for Six 等交友約會活動結識異性,從龐大的會員數據庫中,選出你的perfect match。
Share:


> > 按此回到「青創軍報」,查看其它創業故事報導