腦爸打: 網頁設計, 網站製作, 手機應用程式開發 iphone Android mobile apps, SEO Google Yahoo 搜尋排名提升
青年創業故事、創業例子: 印度婚介讓你大開眼界! - HKRD Speed Dating@青年創業軍

印度婚介讓你大開眼界!

刊登日: 2020-08-14 • 作者: HKRD Speed Dating • 公司/機構:HKRD Speed Dating

作者 HK ROMANCE DATING LTD 配對顧問 Kahlen

Netflix最近有套紀錄片 《Indian Matchmaking》,因為自己做緊呢行,個節目名好吸引我眼球。印度一向俾人個感覺好保守,究竟當地配對行業同香港嘅有咩唔同?

中學時有個印度老師,佢話婚姻由父母安排,佢地係結咗婚先開始拍拖,不過大家感情好好,多年後都仲好愛對方,同節目中較年長一輩嘅說話一樣。節目顯示,而家一代好多已經可以自由戀愛,但唔少都仲係由父母安排相睇,甚至第一次見面雙方家人都喺度,但佢地自由度相對高,有啲男仔見咗幾十人都依然可以say no。另外,有啲女仔已經30幾歲,最後都決定專注事業,放棄識男仔,都幾modern。

節目中嘅match maker相對傳統,認為父母說話好可靠,認為一般嘅戀愛婚姻唔會成功。有時當顧客唔太想見佢揀嘅對象,父母都會幫手說服佢,呢點同香港就好唔同。不過雖然年輕人有壓力,個人都唔敢話邊種方法好啲,因為有啲夫婦即使係父母安排婚姻,年老時都非常恩愛。無論如何,即使佢地係透過match maker搵對象,相處時都可以好sweet,同其他喺唔同途徑識嘅男女冇乜分別。

另外印度人好信命理,未見面已經會夾大家星盤。有一點香港同印度情況好唔同,就係印度非常講究門當戶對,即使你幾新潮,都冇乜機會配到一個家庭背景同你相距甚遠嘅對象,所以應該天王嫂課程搞手Amy姐都幫唔到手哈哈。即使移居美國多年,好多印度人都好睇重對方係咪有相同宗教同黎自同一族群。香港單身人士,勝在擁有自由吧∼但唔知你會唔會過咗某個歲數後,都寧願有人幫你安排,唔使再尋尋覓覓呢?(笑)

 

HK Romance Dating (HKRD),由兩位前新聞主播創立,運用專業的司儀技巧提升speed dating活動的氣氛,並擔任單對單約會配對 matching顧問,助你透過single party、Table for Six 等交友約會活動結識異性,從龐大的會員數據庫中,選出你的perfect match。

 

 

**此Netflix影評亦同時刊登於 Netflix影評推薦平台:   http://netflixrank.com/cmt_view.php?cmt_id=108

Share:


> > 按此回到「青創軍報」,查看其它創業故事報導